全广州最正嘅花胶煽鸡鸡煲!99蚊3只鸡!仲有好食到神仙都企唔稳嘅佛跳墙!人均50蚊!
最近同屋企人讲起出街食饭，就俾D家长话E加嘅细路钟意洋文化，明明係食在广州，但係食极都係来佬货，豆丁妹都有好好甘谂咗下，又真係咁样。不过今日我就唔带你哋去食来佬货，今日要推介一间就係粤菜嘅餐厅——聚荟四季轩。
严选食材，发挥食材嘅原味，再係E个基础上不断创新，绝对满足唔少老广嘅口味。
柔和嘅装饰加上阔落嘅座位，係到用餐真係好舒服。
扇鸡花胶套餐
聚会四季轩嘅扇鸡，全部都精选6-7斤重嘅新鲜走地扇鸡！睇起身好鬼大只，肉质摸上去就好结实，肌肉光鲜，有弹性，睇得出好新鲜！
扇鸡出名肉质嫩滑又弹牙，老细为咗客人係食嘅时候可以更加感受到鸡嘅鲜同弹牙，特意将鸡起成鸡柳。食起身够晒淡淡肉。
而起咗片之后嘅扇鸡骨，老细就将佢放係个浓汤到一齐熬，等个汤更香鸡味。
除咗新鲜扇鸡，呢个套餐仲包含咗花胶係入面。花胶嘅鲜味同扇鸡嘅鸡味好match，食起身花胶吸咗鸡嘅味道，食起身都特别好味。
D鸡係浓汤里面滚熟之后唔单只好香，而且食起身鸡肉味道好鲜，鸡味好香，而且肉质真係好够弹性，一D都唔肥腻！
食呢个套擦不得不提就係打火锅用嘅汤底。用鲜鸡+排骨等一系列嘅材料熬足十几个钟头嘅汤底再加上花胶係入边滚，啖汤饮起身好浓郁好鲜甜。
佛跳墙
讲起佛跳墙菜嘅原料有成18种之多：海参、鲍鱼、鱼翅、干贝、鱼唇、花胶等等。而且佛跳墙嘅烹调工艺非常繁复，要先后将18种原料分别采用煎、炒、烹、炸多种方法，炮制成具有它本身特色的各种菜式，然后再加入适量嘅上汤同绍兴酒，放在火上加热。又因为佛跳墙嘅制作工艺好繁复，所以宜家好难先食到正宗嘅佛跳墙。
你唔好睇佢D汤色好似同出边D佛跳墙唔同，呈褐色，其实呢个先係真正嘅佛跳墙啊。听老细讲，真正嘅佛跳墙嘅汤就係咁样颜色嘅，用鱼翅+鲜鸡等材料加上花雕酒熬出嚟嘅翅皇汤，饮起身都特别唔同。
係到食佛跳墙够晒足料，唔单只有一般嘅珍味海鲜，老细为咗等客人食得饱肚，仲特意放咗一只鸡同一只猪手係煲底。
係聚荟食呢个佛跳墙真係好足料，8只干鲍、3条大海参、足两鱼翅、半斤花胶、分量十足嘅蹄筋、8只超大猪腰元贝、牛肝菌、3斤大鸡、猪蹄等等嘅材料，通过传统嘅佛跳墙烹调方式嚟煮，绝对体会到传统佛跳墙嘅味道。而且咁大一煲，我哋8个小伙伴去食都食唔晒。
好似牙签咁粗嘅鱼翅，夹一扎落口，食起身够晒过瘾。
爽口弹牙嘅猪腰元贝，食起身够鲜味。
原只干鲍，大大只，食起身够鲜味弹牙。
食呢个佛跳墙，最好先食海参，因为海参唔索味。而其他食材，等到索晒汤汁嘅味之后再食，会更加滋味噶。唔讲咁多，手慢冇，我都拿拿林食多几件先。
佛跳墙入面仲有花胶、蹄筋等等嘅材料。
比起出面嘅佛跳墙呢到仲多咗牛肝菌，入口菌香浓郁，同出面嘅佛跳墙相比，少咗腻嘅感觉，反而更加鲜味、清香。
不得不提嘅仲有炸鹌鹑蛋，呢个蛋食起身好吸味，所有佛跳墙嘅精华都係晒蛋入面。
如果人多去惊唔够食？！咁你又唔使惊喔。因为呢到仲有超抵食嘅鸡套餐。
99蚊3只鸡or水鱼
99蚊就有3只鸡or水鱼食嘅价格係广州真係好少有。新鲜嘅3斤鸡or肥美嘅水鱼最啱就係放係花胶鸡煲入边嚟煮。你睇下D鸡，大大只，肌肉又结实，食落肯定冇得弹。
而水鱼就係野生嘅，都有斤半咁重。睇下条水鱼四肢几粗壮，而且壳背咁有光泽，食起身肯定好滋味！係呢D时冷时热嘅天气食佢就真係够晒滋补啦！
如果仲嫌唔够喉，呢到仲有其他散点可以加落个煲到！
澳大利亚带子（猪腰带子）
泰国墨鱼
睇到呢度，大家係咪都好想去试下呢，呢间聚荟四季轩嘅出品真係有保证，大家以后可以带埋屋企人或者係朋友一齐嚟食饭啊。
聚会四季轩
地址：海珠区赤岗北路118路四季天地北座2楼E06铺(珠江帝景)
电话：020-89309773
营业时间：11:00——14:30、17:00——22:30
人均：40蚊
【图文源自广州笋嘢益街坊】
