之前点评有哩间店嘅试食活动,可惜冇俾抽中 。所以今次同LP去行街经过就入去试下。
哩度都几容易揾,就喺江南西嘅路面,接近宝岗大道路口。店铺唔係好大,以怀旧风格装修,木枱木凳。服务不过不失吧。
都几多人嚟食噶。高峰时段要等位。
下面哩一度係老细叹茶嘅地方。
服务员都带住口罩,都比较注重卫生
怀旧嘅灯具,似走马灯。
竹做嘅筷子筒。
面店嘅介绍。
出品方面以广式云吞面同粥类为主。我哋团购咗一个双人套餐(38蚊),一个单人套餐(20蚊)
双人套餐有:1个大云吞面、1个腩汁捞面、1个三星汤同一个锦卤云吞(炸云吞)。
云吞面嘅味道都勉强过得去,汤底稍淡,面唔係好够弹牙,但云吞就几好,馅嘅猪肉肥瘦比例适中(3分肥7分瘦)。
用鸡公碗装嘅面係唔係好有怀旧Feel呢。
服务员喺路边包紧云吞,好似唔係几符合卫生标准吧 。希望可以改进一下。
腩汁捞面比较淡,无乜牛腩味。配嘅面汤味道较浓。
牛三星汤嘅味道都係一般般。
锦卤云吞几正,皮炸到金黄色,入口酥脆。推荐
单价套餐有1个炸酱面同一个细嘅净云吞
炸酱面同我以前食过嘅有啲唔同,佢哋加咗微辣,食落觉得冇咁漏,都几好味。
净云吞都係同云吞面一样,汤底稍淡,但云吞係唔错嘅 。
位置:江南西路近宝岗大道路口
环境:干净整洁,怀旧风格
服务:不过不失
出品:云吞面、艇仔粥
交通:公交59路、53路等等到骨伤科医院站落车
来源:大众点评