碰碰带路 今天我想吃火锅(吃货必看!成都火锅攻略)
嘿嘿
屏幕前面嘅你一定系个大吃货！
相信介绍左成都三期
细心嘅童鞋都会发现
点解
点解我介绍嘅全部都系小食！！！
大四川点可以少左火锅！！！！！
稍安勿躁
今日
就系要一次性补偿你地
介绍我系成都食过嘅所有火锅！！！
系咪比琴日更开心呢！！！
系咪比琴日更爱我！！！
请大家准备好纸巾擦口水
系成都
有一种幸福叫
今天我想吃火锅
就可以吃火锅❤
巴蜀大宅门火锅
成都本地人都中意黎嘅火锅店
成都嘅朋友话呢间比蜀九香更好食
所以我地就黎左
等位等左大半个钟
由此可见火爆程度
红糖冰粉系呢度嘅特色之一
非常解辣
白凉粉加上冰渣
然后淋上红糖汁
上面撒上花生芝麻碎
嗯
好正
服务员冇问我地要咩辣
如果你要重辣要同服务员讲明
其实我比较食得辣
所以我觉得呢个算一般（镇定自若嘅我）
但小伙伴都被辣出左一个表情包
四川嘅红锅都系牛油锅
浓浓嘅牛油
越食越香
酥肉
超级正
每次都一定会点嘅一样菜品
上台嘅时候热辣辣
就咁食香脆可口
外面层粉同肉嘅比例啱好
唔会偷工减料好多粉好少肉
放入红锅
酥肉外面层皮吸收晒汤嘅味道
又鲜又辣
鸭肠！鸭肠！
呢个都系必点
超级爽脆啊
同肥牛一样涮一下就可以起
一d都唔韧
我觉得大宅门嘅菜品都算几新鲜
食嘅人多
食物流动就快
牛肉&黄鳝&鸭血
呢边基本上冇咩人会点肥牛
大家都系点新鲜牛肉
新鲜牛肉薄切
然后捞好味道
因为好薄
所以唔需要煮好耐
比肥牛好食一百倍啦
因为本身牛肉新鲜
所以牛味重
加上本身腌制嘅香料味
然后仲有汤底嘅香辣味
超级无敌正啊！！！再都唔想食肥牛啦！！
黄鳝呢度好似系叫血鳝
因为黄鳝血有益
所以劏嘅时候都系唔放血
我就觉得食起身有d苦
鸭血系必点啦
超级滑滑滑
放红锅
可以吸收汤味
又辣又鲜
如果大家想食d青菜（有叶果种）
提醒大家一定要点鸳鸯锅
因为红锅煮青菜我淋正常广州人都接受唔到
特别系生菜油墨菜
如果拿红锅煮
会吸晒d油
条菜夹起身油到反光...
好封喉嘎
建议大家蔬菜都用白锅煮（包括莲藕啊薯仔啊魔芋啊）
然后想食辣就等距熟左之后过一下红汤就得啦
嘿嘿嘿
鸭肠鸭肠！！！
见到就已经口水流了(¯﹃¯)
真系好挂住果个味道啊
广州嘅任何一间四川火锅店都比唔上啊
超级无敌正
超级无敌香
虽然辣
但系明知到辣都仲系好想食啊
因为我地点嘅肉好多
所以三个人210蚊埋单
地址：清江东路36号
（成都嘅大宅门有好多间 连锁店一样味）
玉林串串香
呢间门面好细
就系从一条巷行入去
但系入去就别有洞天
一间好大嘅玉林串串香
呢间店系无意中发现嘅
果日系春熙路附近闲逛唔知食咩好
路过呢度
闻到火锅味
然后就入去食啦
红锅10蚊
鸳鸯锅同清汤比较贵
因为已经习惯左四川嘅辣
我地已经唔需要清汤了
所以就点全红
串串系自己去雪柜拿
细签0.6蚊/支 粗签0.8蚊/支
埋单就数签
然后其他就系落单叫服务员拿黎
个人觉得食呢个更加过瘾啊
可以全部菜品都试晒啊
食完一大扎竹签好有成就感噶哈哈
而且冇咁容易浪费
比较好控制分量
猪脑
简直就系真爱哈哈哈
我知道好多人接受唔到(¯﹃¯)
不过我系四川好多时候都会点
好enjoy果种甘香嘅味道同软糯嘅口感
以前我都唔食猪脑
我觉得距好丑啊
但系四川火锅点过猪脑之后
就一直对距欲罢不能
觉得距再丑一百倍都可以被原谅啊啊啊~
猪脑吸收左汤底嘅香辣
加d香菜提提味
再点翻d麻油
鲜香麻辣
一次满足你所有愿望哈哈哈
毛肚
#
毛肚也称百叶肚，俗称牛百叶，其实就是牛的瓣胃。
#
系广州饮早茶嘅时候有时会点
但系我唔太中意食
因为好好好好好韧啊
又冇味（食到嘅全部都系酱汁嘅味道）
百度话
白色嘅牛百叶都系漂白过嘅
黄色嘅牛百叶就证明只牛牛食草
黑色嘅牛百叶就证明只牛牛食饲料哦
呢边d毛肚好新鲜（多人食就自然新鲜了）
涮起身超级爽脆
都系过一下就可以起水啦
耐左就会老啦
串串香比火锅要抵好多嘅
虽然环境冇咁好
但系味道唔错嘎
两个人76蚊买单已经非常非常饱啦
其实人少我就建议食串串香
都系火锅
只系距将菜品串成一串串咋嘛
地址： 锦江区 华兴街(近雨田饭店)
大虎老火锅
网上话呢个比较似重庆火锅
所以就黎试下同四川嘅火锅有咩唔同
地址： 锦江区 宏济新路宏顺街24号(天香仁和酒楼)
价钱同大宅门差唔多
大概70蚊一个人吧
呢度嘅香油碟系一罐罐上嘅
自己倒出黎再加蒜蓉同香菜
甘样比人感觉更加干净
系四川呢边食火锅一定要油碟
呢d油多数都系麻油或者调和油
同火锅入边嘅牛油唔一样
食之前食物系油碟入边翻滚一下
呢d油可以保护我地肠道唔会辣过头被灼伤
因为辣系碱性嘅
而且可以增加香味
特别系第一次食四川火锅嘅同学
建议你地一定要用油碟
因为果时候已经系成都食左好几日辣了
我地食火锅都已经开始点全红了
跟住大家觉得普通嘅已经唔辣
所以就点左重辣
呢度用嘅锅系我地平时炒菜果种黑色嘅铁锅
其实系冲住九宫格黎嘅
九宫格就系全红
九宫格好似系源于重庆
全红嘅锅底入边加入四块铁片而已
因为每样菜品需要煮熟嘅程度唔一样
九宫格就可以分开呢d需要唔同时间嘅菜品
吃货嘅智慧真系无穷
（为了吃啥都干得出来呀哈哈哈）
大虎冇冰粉
网上推荐呢度嘅解辣神器就系绿豆汤
（然并卵）
我都系建议大家点唯怡豆奶吧
呢度嘅绿豆汤太甜了
甜到我牙软啊救命
呢度嘅菜品分量都好小
好细碟
滑蹬蹬嘅鸭血
鸭血最好嘅地方就系滚好耐都唔会烂
可以早d放
卤肥肠&砣砣牛肉&鸭肠
都讲左好多次我重口了哈哈哈
卤肥肠系事先卤好嘅肥肠
唔需要煮好耐
我觉得好好食
好淋好吸味
砣砣牛肉我觉得就系焖好嘅五香牛肉块
汤底都冇办法掩盖果种弄弄嘅中药味
焖得好烂入口即化果种
个人觉得呢个一般（全部都系肉）
血鳝
头先介绍过
呢边劏鳝都系唔放血直接劏
所以d血就留系黄鳝嘅肉入边
虽然我都系觉得d血苦苦地
但系口感其实好爽
所以中意食嘅朋友都可以点黎试下（听讲好补？）
酥肉
呢度嘅酥肉加左椒盐
而且粉比较多
我觉得冇大宅门嘅好食
我地点嘅重辣锅底食到最后真系好好好辣啊
辣到喷火
就好似煮青蛙咁
一开始唔觉得
过左一阵觉得还可以接受
到你真系觉得好辣嘅时候
嘴唇已经变肠仔了(¯﹃¯)
而且果种辣只可以自己慢慢消退
饮乜都冇用
虽然系咁
我地都系食得好爽
芭夯兔
去过成都嘅朋友极力推荐
所以就去试下
地址： 青羊区 长顺上街多子巷街口(近宽窄巷子)
就点一个双椒兔（好似系78蚊）
超级大锅
两个人足够了
兔肉全部切成丝
极入味
吸收晒红椒青椒嘅味道
服务员冇问我地要咩辣
不过呢个双椒兔真系辣到飞
辣到喷火
呢个同大虎唔一样
果个系煮下煮下慢慢觉得辣
呢个系一上台食第一啖就好辣
呢度嘅酥肉都ok
酥肉就系用黎餸饭嘅
因为每次夹兔肉丝都会夹住好多好多辣椒
要慢慢拣翻出黎
开始嘅时候好好心机
到后面就冇咩耐心了...
实在
实在太辣
我全程都唔只d兔肉系咩味道
已经辣到味觉都冇了
重庆钢头火锅
地址： 青羊区 长顺上街55号(近金河路)
路过左好多次
火锅嘅香味香出马路
门口睇上去几高大上
就系宽窄巷子附近
实在忍唔住
就去食啦
锅底好贵（48蚊鸳鸯）
呢度d菜品价钱比较贵
但系比较大碟
而且都几新鲜
我地得两个人就点唔到咩食
建议多人黎比较好
可以试多几样
两个人大概130蚊埋单
毛记冒菜
#
冒菜就是一个人的火锅，火锅就是一群人的冒菜。
#
睇到呢句话我就想笑
就算一个人都要食火锅
呢d就叫吃货嘅执着
呢间毛记冒菜
网上红到不得了
所以黎亲测一下系咪真系咁好食
地址： 青羊区 西府南街35号(近铂金城)
我地中午去
要等位
超级多人
虽然店面唔算大
但系好干净
好多白领系度食中午饭
呢度嘅肉码系按斤称嘅
我地因为得两个人
所以点左一斤牛肉半斤鸭肠
#
冒菜和串串香、火锅的区别大概在于，冒菜的汤也可以喝，而串串香、火锅的锅底估计没人敢用勺子舀到嘴里去的。
#
经过漫长嘅等待
终于食到了！！！
amazing！！！
超级无敌香！！
好似成个人跳入左一缸麻油咁！！！
香味从鼻隆出黎噶
辣度拿捏得啱好
唔会辣到飞但系又可以食到辣味
真系极力极力推荐！！！
我地两个人添各自都添左两次饭
一斤牛肉非常非常多
而且d肉都系好大块
食起身巨满足
（一定要点牛肉）
非常新鲜可以食到牛肉味仲有肉汁
鸭肠好爽
下面仲有一d豆芽同薯仔做配菜
反正我下次黎成都一定要再黎食呢个冒菜
人均大概35蚊左右
呢个味道呢个价钱
非常抵了
成都嘅介绍到呢度真真要完结了~
作为吃货的你睇完呢篇文章有冇即刻飞去成都食食食嘅冲动呀！！！
名副其实嘅吃货天堂
成都
你有什么想去的地方？
你想知道哪里的攻略？
你想和我分享你的故事？
小编哪里还做得不够好？
欢迎在公众平台留言
或者私信我哦~
私人微信：KuangRenLY
么么哒(づ￣ 3￣)
