【on.cc东网专讯】 罗仲谦与杨怡今午离开酒店,寻晚扮完鬆弛熊的新郎哥罗仲谦,今日又化身「柴可夫」与「阿四」,继续锡晒老婆。谦仔先驾车载老婆去九龙城街市,之后,自己落车行去牛肉档买牛肉;由於肉档都几多人,肉档老闆见到熟客仔罗仲谦,原本想畀佢优先,但谦仔就好守规矩继续排,最后都好快买到牛肉,盛惠三百蚊(港元)。
谦仔指今晚会同屋企人一齐打边炉轻鬆吓,之后便上车预备返回大埔寓所。
唔好误会,係打边炉嗰隻「滚」。
罗仲谦去到见到咁多人,都好守规矩咁排队。BTW,佢个爆肌Look好吸睛。
罗仲谦自己落车去买牛肉,老婆就留喺车度休息。
老闆见到熟客谦谦好开心。
证明谦谦成日去街市买餸,係好男人。
谦谦今晚会同屋企人打边炉,继续开心。
挽住一大袋牛肉,谦谦赶住上车会合老婆。