五柳炸蛋+火焰花雕鸡食过翻寻味!

天气开始慢慢转凉了，

饭桌上一定唔可以少一道暖身暖胃嘅菜，

咁就一定非“花雕鸡”莫属！

呢道菜既可以当菜，

又可以用来打边炉，一物两食。

温馨提示：

只有珠江新城呢家分店食得到哦！

纯煲现宰嘅走地靓鸡

用秘制酱料配方落锅小炒

最后加上陈年佳酿花雕

口感堪称一绝!

第1步：

鸡肉提前用酱料小炒过，全部倒入沙煲里边

第2步：

加入适量花雕酒，醉酒的鸡会喷火

第3步：

鸡肉滚一滚，酒精挥发，酒香四溢，酒味完全渗入鸡肉

那汁，那鸡，那火，那香气令人难以抵抗

加温后嘅花雕酒酒精度降低，

变得更加香醇厚实。

睇到呢煲鸡

你仲忍得住口水咩？！

火焰花雕鸡68元半只

肉质紧实嫩滑嘅鲜美鸡肉，被清冽醇和、余味绵延嘅花雕酒氤氲着，一定要趁热食，越发鲜、嫩、滑、爽，每一口咀嚼，都浓香四溢、齿颊留香，可谓系比炸鸡更嫩，比炒鸡更香，比炖鸡更补！

宜家到店消费一煲火焰花雕鸡，

仲会送一碟生菜！

食完鸡肉之后将生菜放入其中滚一滚

同样令人回味

店内仲有更多配菜任君选择，

食完呢煲鸡就可以用锅底来打边炉啦！

厨师每日清晨七点半就到店准备炖靓汤

开火炖足4个钟，时间过去火候到位，

自然会炼就一盅香气扑鼻嘅老火靓汤。

再加上新鲜足料嘅各样食材，

汤水更鲜美！

来饮过汤嘅食客都会称赞：

呢度饮得出“妈妈的味道”。

皆因每一款炖汤都好似家常汤一样，

无过多嘅调料，简单纯正。

而且每款汤都好经典，

总搵得到一款啱你饮噶靓汤！

▼

01｜虫草花炖肉汁

/ 补肺健脾，平喘止咳 /

小编仲好清晰记得，细个如果头痛脑热，妈子就会炖猪肉汁俾我饮，喺厨房里面咚咚剁肉，将瘦肉剁碎同药材一起隔水炖出汁，吸收咗虫草个精华同瘦肉的原汁原味，宜家谂下都好怀念。

02｜五指毛桃炖老鸡

/ 益气补虚，健脾化湿 /

传统、经典的广式靓汤！五指毛桃可以行气、祛湿，煲出来嘅汤水有一股淡淡椰香，会放大鸡汤嘅香味，令人垂涎三尺，趁住热气饮翻啖，口感浓郁，余味无穷。

03｜鸡骨草炖猪横利

/ 清热祛湿，疏肝健脾 /

呢款鸡骨草炖猪横脷绝对系祛湿清肝火首选！猪横脷厚切，另外落咗鸡骨草，料非常足，满满一盅都系好料。

04｜青天葵炖猪展

/ 清肺解毒，养阴生津 /

猪展用来煲汤口感嫩滑，炖汤睇上去金黄透亮汤色清，一眼望落去，见得到实实在在嘅汤料，饮落去清甜可口，男女老少都非常啱饮嘎！

05｜青榄野菊炖白肺

/ 润肺化痰，清热散结 /

青榄一直以来都系利咽治喉、祛痰开胃嘅良药，再加上猪肺肉类一齐炖汤，另外仲加入咗最上等嘅胎菊，汤水变得鲜甜，润肺滋阴。鸡脚已经炖到酥软，一放入口就骨肉分离。

06｜冬瓜薏米炖水鸭

/ 温补清润，滋阴养肾 /

冬瓜有利水清热，消痰解毒之功效；而水鸭温中益气；冬瓜同鸭肉搭配有好高嘅食疗效果，而且鸭肉嘅鲜美配上冬瓜嘅清甜，汤鲜味美，营养丰富，简直就系完美！

07｜海底椰炖鹌鹑

/ 清热滋补，美容养颜 /

海底椰除燥清热、润肺止咳，加上新鲜又补身嘅鹌鹑，鲜味好够！一碗混合着椰子清香嘅补汤下肚，从头暖到心肝脾胃，满足感渗入每个细胞。

08｜菜胆炖瑶柱

/ 安神理气，补益健身 /

真材实料！满满都系精华！瑶柱粒粒都好大，一定要试下，唔好浪费啊；娃娃菜已经炖到绵软，入口即化；呢个炖汤色清澈，但味道鲜到尖叫，你试过先知。

睇上去好简单嘅一盅炖汤，

实际上从选材到熬制都落足功夫同心思

最后入口嘅每一啖先会咁纯正！

而且饮得出记忆中熟悉嘅味道

蕴含咗广州最有人情味、最真实嘅一面。

呢度无太多奢华高档嘅食材，

坚持用最简单平凡嘅食材，

制作100%传统嘅粤式小菜

拒绝创新

因为“平平淡淡才是真”，

只要味道对了，

咸鱼白饭都好好味！

01｜盐焗手撕鸡

要做出一道令人试过难忘嘅手撕鸡，从选鸡就要开始把关啦！老细话唔可以选皮下脂肪太多嘅鸡种，先可以保证皮与肉之间嘅脂肪非常少，薄而爽脆，鸡味十足且鸡肉有嚼劲。

当你试咗一啖之后，你发现食起身香而不抢，香而不腻而且爽滑鲜嫩。同外面快餐店果种加咗包装盐焗料，咸味盖过鸡味嘅感觉有好大差别。

02｜顺德盐焗花螺 

上得台见得客人嘅花螺只只都咁新鲜，肉质比较紧，口感脆，无异味无沙子，吃嘅时候可以蘸一下你中意嘅酱料，味道更佳，自从食过呢度嘅花螺之后，佢从此就成为咗我嘅新宠！

花螺肉质鲜美、鲜甜爽口，用细根牙签轻轻将螺肉挑出来果一刻，连一秒钟都唔想多等，每一啖都非常可口，将鲜味发挥到极致！食到根本停不下来，好过瘾啊！

03｜脆皮咕噜肉 

小编第一眼望上去嘅时候，仲以为系一道艺术品添！摆盘卖相都好靓，顿时令你食欲大开！听老细话，为咗每个细节都做到最完美，厨师好用心咁将一粒粒圆润嘅咕噜肉摆出造型，仲加上珍珠葡萄点缀，希望俾客人视觉上嘅惊喜。

有颜值，同样有实力！咕噜肉挑选猪身上最爽口弹牙噶猪颈肉，再淋上妈子特调糖醋酱，酸酸甜甜，真系美味又开胃。

04｜五柳炸蛋

细细个就已经好中意嘅一味菜——五柳炸蛋。酸酸甜甜嘅味道好开胃，单单系呢一道菜就可以叫2碗白饭啦，令我食到小时候的味道！最简单的材料，看似无技巧的烹制做法，实际上却隐藏着厨师嘅功力！

蛋白边沿被炸得金黄酥脆，酸甜酱汁从焦黄嘅蜂巢状边沿渗透，当你当入口中轻轻一咬，可以听到好爽脆嘅声音，酥脆口感达到高潮，一下，两下...实在控制唔到自己，食完一啖又一啖。

05｜虾米节瓜粉丝煲

呢个菜相对比较清淡，节瓜可以清热解毒、利尿消肿，在广东嘅家常菜里边经常出现，搭配上惹味嘅虾米同粉丝，成个菜马上变得美味可口，好鲜甜。

佢简直就系“送饭必备”，老少咸宜，有时候，好多难得一见嘅山珍海味都比唔上咁样一道普通而熟悉嘅住家菜，对吧？！

06｜怀旧蜜汁肥叉 

一讲到怀旧粤菜，又点可以少咗最经典嘅“蜜汁叉烧”啊？！蜜汁好浓，口感略甜，肥肉入口就马上有融化感，恨不得马上滑到喉咙里，但系你又唔会感觉到油腻。

肥叉嘅诱惑对于食肉兽来讲都难以抵抗，佢系店里边嘅人气必点之一，听闻好多过来搵食嘅老友都已经败倒在呢道菜面前，毫无招架之力。

07｜梅菜蒸肉饼 （32元）

一道回忆满满嘅菜式~以前妈子喺厨房不停敲打砧板剁肉嘅场景仲历历在目，一碟热辣辣嘅梅菜蒸肉饼，简单却又回味无穷。

我相信好多小朋友唔肯食饭，无胃口嘅时候，只要见到呢味菜就会完全被治愈，梅菜夹杂着肉嘅香味更加清甜爽口，实在超级好送饭。

08｜鲜花椒蒸海鲈鱼 

想食到最原汁原味嘅鱼肉，最好嘅烹饪方法非清蒸莫属。再加入川菜中清新麻辣嘅花椒，利用花椒嘅清新麻辣香味，正正可以将鲈鱼鱼腥味去掉，放大鱼嘅鲜味。

估唔到花椒同鱼肉都可以创造不一样的惊喜，其实小编食完嘅感受就系：其实都唔系非常好吃，只不过吃了一条只后想再吃多99条而已。

09｜杭椒炒田鸡 

呢份杭椒炒田鸡香味浓郁，唔算太辣，田鸡肉质爽嫩，每一啖肉都坚韧Q弹，嚼劲十足，加上一丝丝时不时跳出来的辣意，我要给佢100分！

小编最钟意就系食田鸡腿肉啦，果种带软骨又有嚼劲嘅嫩滑口感令人感到满足感爆棚，真系要识得食而且试过先会明白嘎。

10｜酸菜焖大肠

老细选用最靓最正宗嘅潮州酸菜+干净新鲜嘅大肠，再搭配地道噶独特酱料，酸菜嘅酸爽把大肠嘅香味完完全全烘托出来，一荤一素结合得非常完美。

11｜澳门虾酱炒菜花 

呢度“素颜上阵”嘅炒菜花集万千宠爱于一身，一试难忘。所用嘅虾酱是老板特意从澳门买翻来噶，经过糖、油推半个钟，直到浓味虾香盈润而出，再选用青绿长身而爽口清甜嘅台山菜花，食入口爽！脆！甜！