仲有好多精彩嘢喔!你都想睇?加我咪得咯!
查找公众号: johnwang425
小编私人微信号: chihewanle008 (长按复制)
师傅将羊身上最精华嘅部位分解出嚟,唔再係千遍一律嘅肥羊片,每个部位都带俾你口感和味蕾上嘅惊喜。涮羊肉首选羊腿肉,色泽红润、肥瘦均匀、肉中夹筋 ,筋肉相连有韧劲。事不宜迟,心急嘅小编决定成盘嚟,不过其实用筷子夹一块涮一块先係最滋味嘅食法。
用筷子夹起一片羊腿肉,係沸腾嘅锅底涮几下,因为切得够薄,只需几秒羊肉就变色,蘸上酱料放入口中细嚼,肉质结实有嚼劲,真係一啲骚味都无!羊排肉外覆一层层薄膜,师傅将羊排切得好碎,连骨头都切碎埋!质地松软,鲜嫩多汁,不过会有碎骨係羊排肉上面,记得唔好食得咁心急。小编真係第一次食咁样嘅羊排,係呢度完全可以改变你对羊肉嘅睇法。老板话每个部位涮嘅时间都有唔同。不过切记唔好超过8秒噢~唔知时间可以问店内员工,包你用最正确嘅方法食到最好味嘅羊肉。
羊腩肉质稍韧,口感肥厚、醇香而不腻,不膻不骚,越嚼越香。羊肉通体变色,就可以上水啦,夹起一片放入口,香酥味充斥整个口腔,此时此刻你只需要咪埋眼细细品尝来自西北大草原嘅感觉。俗话都有讲:“好吃不过羊脖子”,羊颈肥瘦相间,有骨头、有肉、有筋、有骨髓。肌肉发达几乎零脂肪,肉质超级厚实,大大一旧,非常鲜美。 冒泡嘅汤底、袅袅白烟、岩放落锅嘅羊肉,构成一幅垂涎欲滴嘅画面。因为係颈部,运动得多,涮出来嘅肉质无比细嫩软糯,食起身超级爽。仲有羊前夹肉、羊里脊、羊背肉等等部位,想食边度涮边度!各种火锅配料供大家选择,选择各类时蔬最合适不过,可以中和翻食得多羊肉嘅饱滞,而且小编发现呢度嘅蔬菜特别新鲜,木耳超级无敌爽口!
以羊骨、药材、红枣等等为汤料,滋补清润,最紧要嘅係锅底嘅水都係用农夫山泉嘅山泉水!一大桶山泉水哗啦哗啦倒落锅,符合广东口味嘅清汤泉水锅底去除佐羊骚味,更能凸显羊肉嘅鲜味。店内提供三种锅底可选择,每个锅底都会配一大桶山泉水,绝对够用!
当涮完几轮羊肉之后,羊肉沫漂浮係表层,锅底变身成一煲鲜亮白净嘅羊肉汤,甜而不腻、香而不骚,一啖落肚好满足。
食材係火锅嘅核心、锅底係火锅嘅精髓、酱料绝对係画龙点睛嘅一笔,老板同小编讲,食羊肉最正宗嘅酱料就係芝麻酱+蒜苗。店内有多达15款酱料提供比客人自己DIY搭配,中意食辣嘅朋友小编诚意推荐:芝麻酱+辣椒酱+蒜苗,亲身试过,好惹味!羊肉串瘦中带肥,即点即烤,烤肉嘅香味係有入门口已经闻到,师傅将火候控制得岩岩好,外香内嫩。
烤过嘅羊肉串焦黄油亮,特别腌制过嘅肉串绝对无骚味,再撒上孜然粉吊味,越食越上瘾,根本停唔到口!手抓羊肉係陇上行招牌之一,只放食盐用清水炖制而成,只为保留西北草原上独有嘅羊味。不过唔洗担心,少佐骚味反而带嚟淡淡嘅奶香。超厚一块,点啲酱料放入口,啖啖肉!好满足!餐馆係二楼,行上楼梯,小编已经被淡淡嘅中国风吸引,以传统嘅红色为餐馆主要色调,大红色嘅屏风上面用雕花装饰,木门木框,有种北方过年嘅温暖感觉。
係门口已经见到陇上行专注于甘肃原生态美食嘅态度,踏进门可以闻到浓浓嘅烤肉味,旁边放好红色四脚高凳,随处可见嘅绿色植物,好睇又有原生态嘅感觉。
原木餐台餐椅,舒适实用又有格调。暖黄色嘅灯光照射落嚟,一种屋企嘅感觉油然而生。
除佐4-6人嘅座位,店内仲有大台,岩晒一大班亲朋戚友齐哇哇聚会,灯笼高挂,乐也融融。营业时间:11:00-14:00 ; 17:00-22:00
·About
你既分享,永远系我地既动力
❶ 商务合作请联系QQ 2965983433
❷ 小编个人微信 chihewanle008
吃喝玩乐专员
微信号 :长按可复制 johnwang425
♥搜罗粤港澳最新视频资讯、新闻趣事,娱乐八卦、好玩好食介绍!第一时间分享俾各位