执输行头惨过败家,一日净卖10份嘅秘制外卖牛杂煲你食过未?!手快有手慢冇!

【about小编】阿C，土生土长广州女，中意穿街过巷稳野，吃喝玩乐系兴趣，写探店攻略系强项，maybe，我冇十分出众噶文采，但我有对广州噶果份热爱，果份情。时光可变，有份情不变……爱广州，同声同气自己人，hey，一齐黎为广州代言，爱广州，睇呢度

阿C私人微信号：gzccc123

细个嗰阵，好钟意喺街边啲推车仔买牛杂食，最正嘅就系牛肠同牛肺！随时间推移，街边再都搵唔到地道嘅牛杂啦~

猫哥私房牛杂亦如是，原先嘅师傅佢喺大元帅府天桥底推车仔，后来到同福路岐兴南街口开咗个档口仔，之后再去到江南西稻香村。整牛杂嘅师傅原先系紫玉大街富强牛杂嘅老板，从上世纪八十年代至今，有足足三十年整牛杂嘅经验，可谓炉火纯青！！

无论时代如何变迁，老细搬咗去边都好，猫哥私房牛杂嘅忠实拥趸有增无减！！

冬天食暖笠笠嘅牛杂最和味，牛杂蛋白质高营养价值够晒丰富，而且容易被胃肠吸收，男女老幼都咁啱食！！无论大煲细煲，老细每日都净系整十煲嚟卖。特别而家天时冻，一家人食牛杂暖笠笠好鬼warm，周围啲街坊晨早就争住嚟买啊，迟咗落订嘅话，明天请早啦各位！！！

首先用优质嘅花生油爆香姜、蒜等材料，然后再放牛杂落去兜一兜！！厨房瞬间香喷喷~~~

要整好一煲牛杂唔容易，除咗材料要够新鲜，师傅嘅手势都好紧要，每一个步骤都要做到一丝不苟，务求还原上世纪流传落嚟嘅本土风味！！肉嘅浓香同药材香料嘅清新味道两者合二为一，试过就知咩叫纯正传统风味！！！

萝卜用充满牛杂香味嘅浓汤反复浸泡到完全入味为止，口感清香入口即化！！师傅只手不停咁将啲汁林上去萝卜上面，都米话唔攰，但系师傅胜在够毅力，保证咗每一旧萝卜都索晒牛杂汁嘅精华，好味到冇得弹！！！

滴答滴答，话咁快一个朝早就咁过去啦，一煲香喷喷嘅牛杂煲终于焖制而成！！！色泽鲜明，纹理清晰，望下都流晒口水！！

牛杂煲主要材料十分丰富，除咗好鬼正嘅牛肺,牛肠(粉肠,竹肠),仲有一样咁和味嘅牛肚(毛肚,光肚,金钱肚,牛沙瓜),牛膀,牛脆骨！！需要用到嘅药材香料梗系唔少得大家好熟嘅八角、陈皮，仲有上等桂皮等等。上世纪流传落嚟嘅传统广州滋味立即重现人间！！

哇哇哇！再加埋师傅秘制嘅辣椒酱，味道冇得弹（唔食辣咪乱试吖！）真心掂过碌蔗！

秘制牛杂煲

细煲(纯杂一斤)/78元（1-3人），大煲(纯杂两斤)/128元（4-6人），配有完全入味嘅萝卜同香脆炸面筋，与其喺外边买细细碗又唔足料嘅牛杂，不如嚟搵猫哥整煲翻去慢慢叹仲正啦！！

食肉兽边有咁易满足啊，大家可以另外加料再接再厉——牛肺、牛脆骨15元/例；牛肠、牛膀20元/例；牛肚25元/例（不含金钱肚），每份肉量约有半斤；炸面筋、萝卜、生菜、西洋菜、大白菜、油麦菜、海带8元/例；金针菇、芥兰、菜心10元/例。

猫哥唔单止制作用心，你要打包佢一样咁俾心机帮你将一切整理妥当！！牛杂、面筋同其他材料或酱汁均用佳能密实盒同密实袋装好，密密实实，包唔会漏！！而且称牛杂嘅时候有多冇少，绝对足料足称，处理得咁整齐妥当，连处女座都无法挑剔啦！！

铺头地方有限，想食就最好提前一日预定啦，猫哥会送“杂”上门，搞搞就开得餐，各位懒得郁手嘅为食猫，要记得一日净卖10煲嘎咋，手快有手慢冇嘎啦！

猫哥为人十分热情nice，大家可以加佢微信，咁就方便大家预约啦！！！

门店地址：海珠区大基头洪德路38号（木偶剧院对面）

外卖范围：老三区（海珠、越秀、荔湾），送货价格按路程计算（10~20蚊）

街坊福利：店铺周边直径三百米范围内可免费送餐，上门自提立减10蚊！

预订要求：每日务必提前3粒钟预订，当日18:00截单！（注意注意：不论大煲细煲，货量有限每日仅售10煲）

订煲热线：猫哥13826466915、猫嫂13450265564

营业时间：中午12:30至20:30